ಭಾರತದ ಗಡಿಗೆ ಪದೇ ಪದೇ ಡ್ರೋನ್‌ ಏಕೆ ನುಗ್ಗಿಸುತ್ತಿದೆ ಪಾಕಿಸ್ತಾನ? ಮತ್ತೊಮ್ಮೆ ಪೆಟ್ಟು ತಿಂದರೆ ಸಂಪೂರ್ಣ ಅವಸಾನ!

• ವಾಸ್ತವ ಗಡಿ ನಿಯಂತ್ರಣ ರೇಖೆ ಬಳಿ ಪದೇ ಪದೇ ಕಾಣಿಸಿಕೊಳ್ಳುವ ಪಾಕಿಸ್ತಾನಿ ಡ್ರೋನ್‌ಗಳು.
• ಭಾರತೀಯ ಸೇನೆಯಿಂದ ಪೆಟ್ಟು ತಿಂದರೂ ಬುದ್ಧಿ ಕಲಿಯದ ಪಾಕಿಸ್ತಾನ ಸೇನೆ.
• ಪಾಕಿಸ್ತಾನದ ಡ್ರೋನ್‌ ಯುದ್ಧವನ್ನು ಹೇಗೆ ನಿಭಾಯಿಸುತ್ತದೆ ಭಾರತ? ಎಲ್‌ಒಸಿ ಬಳಿ ಕಟ್ಟೆಚ್ಚರ.

ಹೊಸದಿಲ್ಲಿ: ದಪ್ಪ ಚರ್ಮದ ಪಾಕಿಸ್ತಾನಕ್ಕೆ ಎಷ್ಟು ಬಡಿದರೂ ನಾಚಿಕೆಯೇ ಇಲ್ಲ. ಈಗಷ್ಟೇ ಆಪರೇಷನ್‌ ಸಿಂಧೂರ ಸೇನಾ ಕಾರ್ಯಾಚರಣೆಯಲ್ಲಿ ಭಾರತದಿಂದ ಪೆಟ್ಟು ತಿಂದು ಇಂಗು ತಿಂದ ಮಂಗನಂತಾಗಿರುವ ಪಾಕಿಸಸ್ತಾನ, ಏನೂ ಆಗಿಯೇ ಇಲ್ಲ ಎಂಬಂತೆ ಎಲ್‌ಒಸಿ ಬಳಿ ಮತ್ತೆ ಭಾರತೀಯ ಸೇನೆಯನ್ನು ಕೆಣಕುವ ದುಸ್ಸಾಹಸಕ್ಕೆ ಕೈಹಾಕಿದೆ.

ನೇರ ಯುದ್ಧದಲ್ಲಿ ಭಾರತವನ್ನಜು ಸೋಲಿಸಲು ಸಾಧ್ಯವಿಲ್ಲ ಎಂದು ಅರಿತು, ಎಲ್‌ಒಸಿ ಬಳಿ ಪಾಕಿಸ್ತಾನ ಡ್ರೋನ್‌ ರವಾನೆಯ ಹೊಸ ಆಟವನ್ನು ಶುರುಮಾಡಿದೆ. ಕಳೆದ ಜ.11ರಂದು ಭಾರತ-ಪಾಕಿಸ್ತಾನ ಗಡಿ ಬಳಿ ಸಾಕಷ್ಟು ಸಂಖ್ಯೆಯಲ್ಲಿ ಡ್ರೋನ್‌ಗಳು ಕಾಣಿಸಿಕೊಂಡಿದ್ದು, ಭಾರತೀಯ ಸೇನೆ ಗಡಿ ದಾಟಿ ಬರುತ್ತಿದ್ದ ಎಲ್ಲಾ ಡ್ರೋನ್‌ಗಳನ್ನು ಹೊಡೆದುರುಳಿಸಿದೆ.

ಆದಾಗ್ಯೂ, ಪಾಕಿಸ್ತಾನವು ಪದೇ ಪದೇ ಎಲ್‌ಒಸಿ ಬಳಿ ಡ್ರೋನ್‌ ಕಳುಹಿಸುತ್ತಿದ್ದು, ಗಡಿಯಲ್ಲಿ ಭಾರತೀಯ ಸೇನೆ ಕಟ್ಟೆಚ್ಚರವಹಿಸಿದೆ. ಈ ಕುರಿತು ಪಾಕಿಸ್ತಾನಕ್ಕೆ ಎಚ್ಚರಿಕೆಯನ್ನೂ ನೀಡಿರುವ ಭಾರತೀಯ ಸೇನೆ, ಡ್ರೋನ್‌ ಹಾರಾಟವನ್ನು ನಿಲ್ಲಿಸುವಂತೆ ಖಡಕ್‌ ಧ್ವನಿಯಲ್ಲಿ ಹೇಳಿದೆ. ಆದರೆ ಪೆಟ್ಟು ತಿಂದರೆನೇ ಸಮಾಧಾನಪಡುವ ಪಾಕಿಸ್ತಾನ, ಭಾರತೀಯ ಸೇನೆಯಿಂದ ಮತ್ತೊಂದು ಸುತ್ತಿನ ಕಪಾಳಮೋಕ್ಷಕ್ಕೆ ಸಜ್ಜಾದಂತೆ ಕಾಣುತ್ತಿದೆ.

video📽️ link🔗    Click Here

ಈ ಕುರಿತು ಕಳೆದ ಜ.13(ಮಂಗಳವಾರ) ಪ್ರತಿಕ್ರಿಯೆ ನೀಡಿದ್ದ ಭಾರತೀಯ ಭೂಸೇನೆ ಮುಖ್ಯಸ್ಥ ಜನರಲ್‌ ಉಪೇಂದ್ರ ದ್ವಿವೇದಿ, “ಗಡಿಯಲ್ಲಿ ನಾವು ನೋಡಿದ ಡ್ರೋನ್‌ಗಳು ಬಹಳ ಚಿಕ್ಕ ಗಾತ್ರದ್ದಾಗಿದ್ದು, ಅವು ತಮ್ಮ ದೀಪಗಳನ್ನು ಆನ್‌ ಮಾಡಿಕೊಂಡು ಬರುತ್ತವೆ. ಅವು ತುಂಬಾ ಎತ್ತರದಲ್ಲಿ ಹಾರುವುದಿಲ್ಲವಾದ್ದರಿಂದ ಅವುಗಳನ್ನು ಪತ್ತೆಮಾಡುವುದು ನಮಗೆ ಸುಲಭವಾಗಿದೆ. ಪಾಕಿಸ್ತಾನದ ಉದ್ದೇಶ ಭಾರತದ ಗಡಿಯಲ್ಲಿ ನಡೆಯುತ್ತಿರುವ ಸೇನಾ ಚಟುವಟಿಕೆಗಳನ್ನು ತಿಳಿದುಕೊಳ್ಳುವುದಾಗಿದೆ. ಆದರೆ ಈ ಕಾರ್ಯದಲ್ಲಿ ಅದು ಎಂದಿಗೂ ಯಶಸ್ವಿಯಾಗದು ಎಂದು ಸ್ಪಷ್ಟಪಡಿಸಿದ್ದಾರೆ.